Ah wiz jist checkin the online version o the News and ah found this story.
http://edinburghnews.scotsman.com/topstories/Old-Odeon-granted--a.6313147.jp
Manys a Seturday mornin wir spen there at the matinee. Yer Ma gave ye the cash fur a tickit in it wiz wer o aff tae the pictures. Hundreds o bairns standin oot in the front street waitin fur they doors tae open an take ye tae a better place where thir were spaceships an Roman forts an oh the adventures thit we wir dyin tae be part oh.
This wiz the place where me n Arkos saw the very Flash Gordon thit wir Faithir wiz eye tellin us aboot. Oright ye could see the stings huddin up the spaceship and the sparklir stickin oot oh its erse, but it wiz still braw. We spent most oh the week waitin fur Seturday tae arrive. Me n Arkos wir lucky cause we wir doon at oor Grannies oan a Seturday eftirnin which meant thit we wir in the George fur the next load o movies where baldy wiz the man in charge.
When we goat aulder it wiz the place where we went fir oh the concerts. Some magic gigs wir held in the Odeon and manys a night wiz spent at a guid session. Oan the way hame yir ears wid be ringin the sweat wid be runnin doon yer sides and it wiz oaf tae Rizzi's fur a fish supper n a boatle o cola.
A hope it steys where it is, an mibbe it'll be a picture hoose again, but ah doubt it.
2 comments:
Aye I saw that article too.
Ah mind when it shut as a venue cos we trundled up tae watch the Stray Cats and it was cancelled, Odeon never opened for another gig after that.
It was a bit o' an end o' an era though. By then maist o' the guid bands had split and thon New Romantic pish wis oan the rise.
Saw somw cracking bands there mind. Clash, Ian Dury & the Blockheads, Devo, Buzzcocks, Joy Division, Rezillos, Slits, SLF, Richard Hell & the Voidoids, Steel Pulse, Elvis Costello... and a guid few mair as well.
Happy days.
Aye, shabby digs indeed. Ah saw some barry bands there but have painful memories o bein ootside wi 2 mates and £5.10 between us when the only tickets left for Buzzcocks/Joy Division were £1.80 a pop. (Figures were somethin like that.)
We'd nivir heard o Joy Div and imagined they were some kinda reggae band. We loved the Buzzies (saw them on the previous tour wi Subway Sect)and we liked what little reggae we'd ever heard but decided tae stick thegither and hit the Abbey Buffet for several very underage swallies. Ended up blootered on aboot 4 pints o Tartan Special each and had tae walk hame tae Clerie. Strange but very happy days.
Embra doesnae need another hotel.
Post a Comment